Малата Теодора сребрената медала ја освои на државниот натпревар  кој се одржа во просториите на  Природно-математичкиот факултет во Скопје. Менторот на Маркушевска, наставничката Ели Атанасовска Стојановска за својот штитеник кажа: Теодора е навистина заљубена во природните науки. Секогаш е внимателна на часовите, се труди повеќе од другите навремено да го совлада материјалот и очигледна е и љубовта кон природните науки кои кај неа побудуваат посебни интересирање.

Дождот кој непрестано паѓаше ги спречи играорците од КУД „ Глигор Прличев“, КУД „ Лилјан“ од Скопје и КУД „Истанбул“ од истоимениот турски град да се претстават пред поголем аудиториум. Концертот кој беше планиран да се одржи во реонскиот парк беше одржан во Центарот за култура-Ѓорче Петров кој со својот капацитет од 220 седишта ни од далеку не ги задоволи потребите на оние кои сакаа да го проследат овој фолклорен мини фестивал.

Улици кои за време на дожд и снег беа тешко проодни и преставуваа проблем за жителите на дел од населбата „Дексион“, Општина ЃорчеПетров, веќе се минато. Асфалтирањето на шесте крака на улицата „Црногорска 2“, проектот, кој заеднички го реализираат градот Скопје и Општината Ѓорче Петров, на жителите од овој дел на општината ќе им овозможи современи услови за живот но и побрза комуникација со останатиот дел од населбата и градот Скопје.

 

Во основните училишта во Општина Ѓорче Петров во тек е Конкурс  за доделување награди, дипломи и пофалници на учениците и просветните работници  кои се доделуваат за особени постигнувања и постигнати успешни резултати во образованието. На крајот од учебната година (10 јуни 2017 г) ќе биде прогласен првенец на генерација на Општина Ѓорче Петров за основно образование кој ќе биде награден со плакета и награда ( часовник,компјутер, лаптоп или слично) во вредност од 10.000 денари.

Деновиве се работи на асфалтирање на четири крака од улицата „51“ во населбата Стопански двор, општина Ѓорче Петров. Тоа се краците 1, 2, 3 и 4 со вкупна должина од 620 метри и широчина од 4 метри. Предходно на истите беше поставена фекална канализација со што е решен долгогодишниот проблем на граѓаните кои предходно мораа да користат септички јами кои како такви претставуваа потенцијален извор на зарази.