Советот на Општина Ѓорче Петров ја одржа 71-та седница на која советниците донесоа голем број значајни одлуки. На седницата се усвоени следните точки:

1.    Извештај за извршување на Буџет на Општина Ѓорче Петров за II квартал од 2017 година;
2.    Предлог одлука за класификација на објектите за спорт од локално значење во сопственост на Општина Ѓорче Петров ;
3.    Правилник за начинот на користење на објектите за спорт во сопственост на Општина Ѓорче Петров ;
4.    Тарифник со кој се утврдува висината на надоместок на користење на објектите за спорт во сопственост на Општина Ѓорче Петров ;
5.    Предлог- Одлука за доделување финансиски средства на Здружение за спорт и спортска рекреација „Ѓорче Петров КУП“
6.    Предлог- Одлука за доделување финансиски средства на ФК „Волково 1964“    
7.    Предлог- Одлука за изменување и дополнување на Програма за Урбанистичко планирање „Ф“ за 2017 година. „Ф1“ Потпрограма за Урбанистичко планирање на Општина Ѓорче Петров ;

Предлог- Одлука за отстранување на постоечкиот и изградба на нов објект- детска градинка во УЗ Дексион , Општина Ѓорче Петров.

Во ООУ „Тихомир Милошевски“  - Ново село, од општината Ѓорче Петров деновиве се врши поправка на спортската сала „Христо Батанџиев“ и помошните простории. Интензивно се изведуваат работни активности како лакирање на паркетот во спортската сала, поставување на нови седишта на трибините, а се бојадисуваат и ѕидовите во спортската сала и помошните простории. Влезните врати од спортската сала ќе бидат заменети со нови. Инвестицијата е обезбедена од општинскиот буџет и ќе чини над 700.000 денари.

Трочлена делегација од Општината Ѓорче Петров, предводена од градоначалникот Сокол Митровски беше во посета на Општина Осечина Р.Србија на дванаесетиот по ред Саем на сливата, единствена ваква манифестација на Балканските простори на која покрај домаќините излагаат и други општини од Словенија, Хрватска, Босна и Херцеговина и Македонија. По иницијатива на градоначалникот Митровски, која со задоволство беше прифатена од градоначалникот на Осечина Драган Алексиќ, беше потпишана и Иницијатива за соработка и збратимување. Овие две Општини 10 години наназад имаат одлична соработка на сите полиња но немаа потпишано никаков званичен  документ со кој би се озваничила соработката.

 

Денес, 23.08.2017 година, во просториите на Општина Ѓорче Петров, се одржа состанок на градоначалникот Митровски и општинската администрација со директорите на основните училишта и градинката „Росица”. На состанокот се разговараше за подготвеноста на основните училишта и гардинката за почетокот на новата учебна година 2017/2018.

По повод Празникот на Општина Ѓорче Петров- 20 септември, во периодот од 1 до 19 септември, 2017 година, по четврти пат ќе се одржи радиционалниот турнир во мал фудбал „Ѓорче Петров Куп 2017”. На турнирот кој ќе се одржува на Мултифункционалното игралиште „Ѓорче Петров” (кај надвозникот) како и досега ќе учествуваат најдобрите екипи од Македонија. Пријавувањето на екипи трае до 31 август, а истиот ден во 20.00 часот ќе се одржи и извлекувањето. Котизација од екипа изнесува 4000 денари. Лице за контакт-Ивица Вељаноски 071 200 138. 

Наградниот фонд за прво место изнесува 120.000 денари, второ место 60.000 денари, трето место 30.000 денари, а за четврто место 10.000 денари. 

Генерален покровител на турнирот е Општина Ѓорче Петров и градоначалникот Сокол Митровски, а е поддржан и од Советот на Општината.