Општината Ѓорче Петров започна со акцијата за крпење на ударните дупки и прекопи на улиците и булеварите во централното градско јадро  и населените места во руралниот дел од општината. Ќе бидат санирани сите ударни дупки кои се увидени по направената инспекција од страна на инспекторите од секторот за урбанизам, но и по пријави на граѓаните кои сами писмено интервенирале во општината.

Општината Ѓорче Петров и Дизајн центарот „ Јавна соба“ ја започнаа кампањата „ Дотерај го Скопје“ . Целта на оваа кампања е да се создаде свест кај граѓаните за разубавување на нивната животна околина на практичен и економски начин и да се поттикнат истите да се грижат повеќе за јавниот простор во својата општина. По тој повод во Општината Ѓорче Петров е одбрана локација во близина на бензиската пумпа на „ Макпетрол на главната сообраќајна артерија , улицата „ Ѓорче Петров“ каде што за прв пат се засади брзорастечки бршлен, а  со цел да го разубават просторот но и да придонесат за намалување на штетноста од издувните гасови и прашина.

Во општината Ѓорче Петров во тек е голема градежна офанзива. Се реконструираат улици, се гради канализациска мрежа таму каде што нема во руралниот дел од општината, се поставуваат нови сијалични места и се реализираат уште многу проекти кои до крајот на летово треба да бидат во завршна фаза. Деновиве градежните екипи од„Јубај “ Скопје завршија со асфалтирање на три улици во с. Волково.

На 12 јули Македонската Православна црква го прославува споменот на апостолите Петар и Павле(Петровден). Светите апостоли Петар и Павле се од огромно значење за христијанството како основоположинците на Светата црква. По тој повод во храмот Св.„Петар и Павле”  во истоимениот соборен храм во општина Ѓорче Петров со почеток во 8 часот, се одржа Свеќена Архиерејска Литургија со која чиноначелствува неговото блаженство Архиепископот Охридско Македонски г-дин г-дин Стефан и свештеници од матичниот храм и  скопската епархија.  На свечената литургуија присуствуваа голем број на верници од општината но присуствуваа и граѓани од сите краеви на градот Скопје. Исто така на Свечената литургија присуствуваа и градоначалникот на општината Сокол Митровски, членови на општинскиот Совет и голем број на претставници на стопанските субјекти од општината и пошироко.

ЈОУДГ „Росица“ од Општина Ѓорче Петров во текот на летниот период обезбеди нов мебел за дечињата од објектите „Калинка“ и „Детелинка“. Градинката го комплетираше  изгледот во овие два објекта со нови детски гардеробери, дидактички плакари , шкафчиња за сместување на детски кревети дизајнирани според желбите и потребите на корисниците. Во објектот „Калинка“, комплетно е реновиран приемниот простор со поставување на ламинат и нови детски гардеробери, а пак во објектот „Детелинка“,  по извршената монтажа на новиот мебел, ќе биде поставен и ламинат во двете крила на објектот. Исто така ќе бидат поставени и нови теписони во делот н апросторот за одржување на приредби, кај бината и салата.