Градоначалникот на општина Ѓорче Петров, Александар Наумоски учествуваше на регионална конференција “Зголемување на бројот на велосипеди во Скопје”, поддржана од Германското друштво за интернационална соработка (ГИЗ) и германската Влада.На средбата на која учествуваа и други градоначалници на скопските општини и на Градот Скопје, Петре Шилегов, беше заклучено дека новата градска администрација во иднина интензивно ќе работи на на намалување на емисијата на штетни гасови и растоварање на градскиот метеж во центарот на Скопје, преку еколошко и системско решение.

Градоначалникот Александар Наумоски одлучи наместо да се организира прослава во Ѓорче Петров, средствата за дочек на новата 2018 година да се пренаменат за радост кај најмладите, односно за новогодишни пакетчиња за сите првооделенци од училиштата на територија на општината, кои ќе им бидат доделени во пресрет на празничните денови.

Градоначалникот Александар Наумоски го прими младиот каратист Александар Неделковски кој на Балканското првенство во карате за кадети, јуниори и помлади сениори, одржано во Херцег Нови, Р.Црна Гора, на кое учествуваа 485 каратисти од сите балкански земји и Турција, во конкуренција „Кадет-Ката“, освои сребрен медал.

На повеќе локации во општина Ѓорче Петров се спроведува голема акција за собирање смет. Се чистат депонии кај фабриката “Адинг”, во Кучково, кај ООУ “Јоаким Крчоски”, во Ново Село, под обиколницата и на други локации. Подигнато е повеќе од шест камиони шут, кабаст материјал и смет.

 Во новоадаптираниот простор во Центарот за култура “Ѓорче Петров” првпат се слушна судбоносното да на првиот пар од трите закажани за венчавање во четврток, 7 декември 2017 година.