Објектот  “Кокиче“ ( ЈОУДГ „Росица“ ) од општината Ѓорче Петров ќе добие комплетно нов лимен кров. Зафатите за реализација на проектот се веќе во тек а се очекува да завршат кон почеток на месец Август. Се работи за зафат вреден 2 милиони денари ,средства обезбедени од општинскиот буџет со кој ќе биде заменет стариот азбест кров. Инаку, во објектот „Кокиче“ сместени над 150  деца  од предучилишна возраст.

Ј

Општината Ѓорче Петров ќе биде домаќин на младинскиот меѓународен турнир во фудбал „Скопје куп 2017“  кој ќе се одржи на стадионот со вештачка трева „Млади лавови“. На турнирот кој ќе започне на 31 Јули , и ќе трае до 5 Август учество ќе земат 32 екипи од Р. Македонија и странство во генерациите 2000 и 2002 и помлади. Најдобрите младински екипи на Вардар , Војводина (Нови сад), Сесвете ( Загреб) Дит Софија ,Цибалија, Академија „Пандев“ и други ќе „истрчаат“ на теренот во Ѓорче Петров и ќе ги одмерат силите со домашните екипи. Меѓу натпреварувачите ќе се најдат и македонски спортисти , па така сите заинтересирани може да дојдат на стадионот „Млади лавови“ во Ѓорче Петров и да ги бодрат најдобрите екипи од соседството. Турнирот е во организација на Град Скопје и ФФМ , а дел од натпреварите ќе се играат и на стадионот во Илинден.

Сезонските работници од општината Ѓорче Петров , деновиве работат на генерално чистење на општината , во чии рамки се врши косење и средување на зеленилото на повеќе локации низ општината . Во рамки на акцијата денес се изврши чистење , косење , утовар на трева и смет на израснатото зеленило , на потегот од стадионот„Млади лавови “  во должина од 500 метри, а се работеше и со камиони- кипери кои го собираа отпадот.

Голем пожар во атарот на с. Чашка, Општина Ѓорче Петров, зафати борова и друга шума. Во гаснење на пожарот се вклучени екипи на противпожарната едница Скопје, П.С Ѓорче Петров, вработени од ЈП „Македонски шуми“ како и  вработени од комуналните единици од општината. Во моментов, во гаснење на пожарот се вклучени и авиони за гаснење пожари- канадери кои се обидуваат од воздух да го изгаснат пожарот кој често го менува правецот на движење поради ветерот. Сите присутни екипи што се излезени на терен се обидуваат да го локализираат пожарот, но поради променливиот ветер огнената стихија се појавува и на другите места. Првите дојави за пожарот до надлежните органи стигнаа околу 12 часот, кога всушност е започнат и самиот пожар.