Градоначалникот на општина Ѓорче Петров, Александар Наумоски оствари работна средба со директорот на Агенцијата за катастар на недвижности, Борис Тунџев. Средбата беше во насока на забрзување на процесите на легализација и решавање на имотно-правните проблеми на граѓаните. Воедно, Наумоски и Тунџев разговараа и за забрзување на постапките и протоколите во однос на легализацијата, во интерес на жителите на  општина Ѓорче Петров

Поради тоа што во изминатите денови забележано е депонирање и палење отпад во депонијата во Ново Село-кај пречистителната станица, без овластување од страна на општината, информираме дека инспекциските служби на Ѓорче Петров ќе вршат зачестени контроли и санкционирање на прекршителите, согласно законската регулатива.

На улицата “Алексо Демниевски” во населбата Ѓорче Петров поставена е нова атмосферска канализација во должина од 324 метри и цефки со димензија Ф-400. Со нејзиното поставување ќе се решат досегашните проблеми на кои наидуваа граѓаните во овој дел од општината. Тие во минатото многу често после временски непогоди имаа проблем со поплавување, но и со тешко движење на возила низ улиците.

Градоначалникот на Ѓорче Петров, Александар Наумоски им подели пакети со храна и облека на 14 социјално загрозени семејства кои живеат на територијата на општината. Наумоски и дел од општинските служби, во соработка со здружението “Љубезност” од Скопје, им излегоа во пресрет на семејствата на кои неопходна им беше ваква помош. Целта на општината е да ги детектира семејствата кои се соочуваат со вакви проблеми, за во иднина да изнаоѓа начин да им помага. Во наредниот период, планирана е посета на 70 социјално загрозени семејства кои живеат на територијата на Ѓорче Петров.

Во просториите на општина Гази Баба денеска беше потпишана Декларација за отчетност, отвореност и транспарентност на локалната самоуправа од страна на неколку градоначалници. Декларацијата ја потпиша и градоначалникот на општина Ѓорче Петров, Александар Наумоски. Настанот беше организиран од Метаморфозис и Action SEE.