Празникот на општината Ѓорче Петров, 20 Септември  ќе биде обележан со богата програма на културни и спортски настани. На 19 Септември (Вторник) во 10 ч. програмата ќе започне во знакот на спортот. Училишните спортски лиги ќе ја започнат својата натпреварувачка сезона на стадионот „Македонски лавови“  каде што сите основни училишта од општината ќе партиципираат со своите спортски селекции. Граѓаните на Ѓорче Петров ќе можат да купат и да пробаат многу македонски производи на големиот празничен панаѓур кој ќе започне во 17 часот , а ќе трае се до вечерните часови во реонскиот парк во општината. Ќе бидат изложени и рачни ракотворби и многу домашни специјалитети од вештите раце на ѓорчепетровки. Манифестацијата ќе ја отвори градоначалникот Сокол Мхитровски во реонски парк на општината во 19 часот.

Во Центарот за култура во Ѓорче Петров беше промовирана локалната стратегија за унапредување на родовата еднаквост во општината Ѓорче Петров за период од 2017-2022 година. Стратегијата ги потврдува заложбите на општината Ѓорче Петров за промовирање на еднакви можности помеѓу мажите и жените и воведување на родово одговорни политики. Истата е подготвена со поддршка од UN WOMAN – тело на Обединетите нации за родова еднаквост и зајакнување на жените.

Традиционално по повод Празникот на општината Ѓорче Петров, 20 Септември денеска се одржа крводарителска акција во организација на општината, а во реализација на истата учествуваа Црвениот  крст на градот Скопје и Институтот за трансфузиона медицина. Во периодот од 10 до 17 часот, во Центарот за култура - Ѓорче Петров над 70 хумани граѓани донираа крв и ја изразија својата желба да помогнат и да спасат нечиј живот.

По повод Празникот на општината Ѓорче Петров, денеска во тек е крводарителска акција во Домот за култура - Ѓорче Петров која започна во 10:00 часот, а ќе трае се до 17 часот. За само еден час собрани се 20 единици крв , а до 17 часот каде одзивот се очекува да биде уште поголем се очекува бројката да биде околу 100 единици крв.

Жителите на селото Волково добија асфалтирани улици во руралниот дел од општината , со што се надминати главните проблеми на тамошното население. Улицата 63 во с. Волково  е широка 4 метри и долга 240м. Улицата 65 е долга 140м и е широка 4 метри. Средствата во висина од 2.424.000 денари се обезбедени со меѓуопштинска соработка на градот Скопје и општината. Градежните работи ги изведе ЈП „Улици и патишта“.