Екипите на зимската служба на општината Ѓорче Петров  интензивно работат на терен за расчистување на снегот од тротоарите на поважните сервисни улици и булевари во општината. Во текот на денешниот ден над 70 сезонските работници во општината Ѓорче Петров ќе го расчистуваат снегот и мразот на тротоарите со што би се олеснил приодот на пешаците.

Денес, 24.01.2017година во просториите на општина Ѓорче Петров се одржа редовeн состанок за зимско одржување на локалните патишта и улици на територијата на општина Ѓорче Петров. Градоначалникот Сокол Митровски и членовите од Кризниот штаб разговараа за досегашното справување со снегот на подрачјето на општината Ѓорче Петров,  проблемите и недостатоците кои се појавиле во досегашното расчистување на снегот како и следни мерки и активности во случај на нови обилни снежни врнежи и голомразици.

Учениците од основните училишта во општина Ѓорче Петров, денес се вратија во училишните клупи за почетокот на второто полугодие од учебната 2016/2017 година. Расчистени се приодите околу градинките и училиштата, а директорите на основните училишта во општината се во постојана комуникација со надлежните од општината за досегашното справување со снегот во училишните дворови и пристапните патеки. Зимскиот распуст беше продолжен со два дополнителни наставни дена (18-ти и 20 јануари) за да се избегне опасноста од ширење на грипот по препораката од Комисијата за заразни болести и Министерството за здравство.

На ден 10 .02 .2017 година во 17 часот ќе се одржи локална Тортијада на Град Скопје „Слатка Мистерија 2017“ во Хотел Континетал во 17 часот чиј домаќин е општината Гази Баба. Ги повикуваме сите заинтересирани Аматери- домаќинки кои имаат желба да ја покажат својата умешност во изработка на торти, и професионалци (слаткарници, ресторани,хотели )  кои ќе ја преставуваат општината Ѓорче Петров. Собраните сретства од продадените торти ќе бидат наменети за хуманитарни цели. Сите заинтересирани да се пријават најдоцна до 27 Јануари на контакт телефон 02/20-39-307 и 20/44-411.

Градоначалникот на општината Ѓорче Петров, Сокол Митровски и годинава традиционално ги посети жителите во пензионерскиот дом во Ѓорче Петров. По повод Новогодишните и Божиќните празници  им ги честита изминатите празници како и големиот верски празник Богојавление- Водици. Управителот на Пензионерскиот дом во Ѓорче Петров, Махир Дураку, му се заблагодари на градоначалникот Митровски и воедно ја истакна важноста на неговите посети за домот, но и за жителите како искрена почит која не ја добивале од ниеден друг градоначалник пред него.