Со одстранување на старата и поставување на нова асфална подлога,  заврши целосната реконструкција на улицата „Браќа Чакреви“ во општината Ѓорче Петров. Реконструкцијата опфати промена на коловозот, изградени се нови тротоарите со широчина од 1,5 метри, а изведена е и нова атмосферска канализација со широчина на цевките од 250 мм. Поставено е и ново улично осветлување. Улицата е со должина од 330 метри и широчина од 6 метри. Работите ги изведуваше АД „Карпош“ Скопје. Средствата за реализација на проектот во висина од 10,8 милиони денари ги обезбеди Министерството за транспорт и врски и општината Ѓорче Петров.

Со химната на Р. Македонија и Панихида со која чиноначалствуваа свештеници од храмот св Петар и Павле на споменикот на паднатите бранители од конфликтот во 2001 година, погигнат во центарот на с. Волково, а во чест на Ивица Златевски, Томе Димоски, Раде Јанковски и Ацо Ангеловски, започна чествувањето на 16 годишнината од погибието на четворицата ѓорчепетровци кои своите животи ги дадоа за Македонија и нејзината сувереност.

Денес, во општинска сала за состаноци се одржа вонреден состанок каде на дневен ред се најдоа актуелните пожари во општинскиот атар каде што изминативе денови на неколкупати избувнуваат пожари. На состанокот со кој раководеше Градоначалникот Сокол Митровски  присуствуваа претседателите на Месните и Урбани заедници, преставник од РЦУК –Карпош и командирот на ПС „Ѓорче Петров. „Поради високите  температури се зголемува и опасноста од настанување на шумски пожари на отворен простор, а ваквата состојба наложува поголема будност и мобилност на сите граѓани и субјекти во заштитата од пожари. Апелирам до граѓаните  да се вклучат во гаснење на пожарите, а претседателите на МЗ и УЗ да ја подобрат организациска поставеност на својата територија, а тоа значи да земат и самите граѓани активно учество во гаснењето на пожарите во рамките на своите можности, истакна градонаќалникот Митровски.

Голем пожар во атарот с.Никиштане зафати дабова и нискостеблеста шума кој може да се забележи уште од надвозникот во Ѓорче Петров. Противпожарни екипи со четири возила и цистерни од ЈП „Водовод и канализација“ се на лице место  и будно се следи состојбата. На терен уште од попладневните часови е и Градоначалникот Сокол Митровски, а исто така присутни се и екипи на ЕВН кои ја следат состојбата со напојување на струја во другите делови од руралниот дел на општината, Волково и Орман која во моментов е стабилизирана.

Во текот на летниот период и очекуваните високи температури, Општината Ѓорче Петров  изготви конкретни оперативни планови за зајакнати мерки од превентивен, но и од репресивен карактер за заштита на шумите, пасиштата и другите отворени простори од пожари. За да се спречи настанувањето на пожар , потребно е граѓаните да се придржуваат кон следните превентивни мерки: Да не се пали оган на отворен простор, да не се фрлаат стаклени шишиња и друг вид стаклена амбалажа да не се фрлаат отпушоци од цигари, да не се складираат материјали кои се самозапаливи и запаливи (бензин, нафта, плин), како и редовно да се проверуваат и одржуваат инсталациите и уредите кои можат да бидат причина за настанување пожар. При пожар во објект најпрво да се исклучи струјата. Општината Ѓорче Петров апелира за совесно однесување до сите останати жители и сопственици на приватен имот, каде што општината нема ингеренции да интервенира, за одржување на својот двор и плац и превентивно делување во насока на заштита од пожари. Јавните чешми се обновени и се во функција, дефектите редовно се оптстрануваат иако често се на мета на вандали па се кршат и урнисуваат од страна на граѓаните. Општина Ѓорче Петров ќе продолжи со своите тековни активности за одржување на тревните површни во сите месни и урбани заедници кои се во нејзина надлежност. Граѓаните можат да  пријават пожар на телефонскиот број 193.