Градоначалникот на општината Ѓорче Петров Сокол Митровски им додели комплет спортска опрема на женскиот фудбалски клуб „ Единство-Ѓорче Петров“ од истоимената општина. Овој клуб е формиран 1980 година и своевремено се натпреваруваше во првата југословенска женска фудбалска лига.

По распаѓањето на  некогашна Југославија клубот останува без средства за нормално функционирање и со години талка во пронаоѓање на соодветни услови за работа. Челниците на клубот пред четри месеци тропнаа на вратата на градоначалникот Митровски од кого добија целосна поддршка и им беа овозможени нормални услови за нормално функционирање на клубот. Благодарение на таа соработка со општината „Единство –Ѓорче Петров“ стана финалист на Купот на Македонија и се наоѓа на самиот врв од табелата. Доделувањето на опремата е само дел од предвидените активности, во рамките на своите можности, кои општината ги планира за нормално функционирање на сите  клубови кои егзистираат вом Ѓорче Петров.

Годинава по втор пат во општината Ѓорче Петров престојуваат студенти од четврта година на катедрата за англиски јазик од Државниот универзитет Веслиан од државата Индијана од САД. Тие во наредниве триесетина дена ќе го реализираат проектот “Учиме англиски”.

Пете студенти ги прими градоначалникот Сокол Митровски посакувај ќи им успешна работа во реализацијата на проектот и накратко ги запозна со историјата на општината. Со овој проект е предвиден забрзан курс на изучување на англискиот јазик за вработените во Основните училишта и администрацијата. Интензивниот курс по англиски јазик ќе се одржува секој ден а професорите по англиски јазик од основните училишта ќе помагаат во реализацијата на истиот. Присуството на курсот е задолжително за сите вработени во општинската администрација и професорите од основните училишта.

Ученици од основното училиште „Димитар Поп Георгиев - Беровски“, општина Ѓорче Петров, во соработка со Поликлиниката „Ѓорче Петров“ подготвија едукативна претстава со тема: „здрави заби, здрав живот“. Целта на овој проект е низ игра и песна децата од основните училишта во општината да се информираат за важноста на превентивата во одржување на хигиената на забите и навремена и редовна посета на стоматолог.

„Зајакнување на капацитетите на локалната самоуправа и локалните активности за остварување и креирање на ефективни политики за родова еднаквост“ е новиот проект кој Институтот за општествени и хуманистички науки, поддржан  е и од UN Women, го презентирашe во општината Ѓорче Петров.

Екипи на ,,Енергомонт,, од Скопје интензивно работат на нова водоводна мража во дел  од населените места во општината Ѓорче Петров. Проблемите со дистрибуција на здрава вода за пиење и слабиот притисок со кои години наназад се соочуваат жителите од делови од Волково-пржина, Кисела јабука и Волково ќе бидат минато. Со изградбата на новите краци, во вкупна должина од 2500 метри, видно ќе се подобри квалитетот на водоснабдувањето и во овие делови од општината. До крајот на јуни оваа година ќе завршат градежните работи а низ новата мража ќе протеча здрава вода за пиење од градскиот водовод. Проектот чини 230 илјади евра, грант средства од Светската банка по апликација на општината со готови проекти.